Belen eta sagari-kutxa
Arteaga, L.
"Au al da? Etxeño au al da
Errege-Jauregia?
Idazle ta apaizak ez ote
Izan oker-aldia?"
Atean tan, tan...
Iru alditan.
Nexka eder bat, ama gazte bat
Etxe-barnetikan;
Urratsa txairo, begia garbi,
Ezpanak irritan.
-Keru-irria,
Unkigarria!-
Ta iru Errege, iru Errege
Seaska-oiñetan,
Lurrean belaun, buruak makur,
Opak eskuetan.
Au al da? Kutxatxu au al da
Jaungoiko-Jauregia?
Idazle ta Apaizak ez ote
Izan oker-aldia?
Atean tan, tan...
Ainitz alditan!
Zer esan zenien, Ama, Magoai irriz
Belen'go etxeñoan
Atea irikitzean?...
Oi! Mintza zakizkit, Ama, mintza itz aiek
Ene biotz-barnean!
|