Maitasun barria

Artadi

 Aldapa gora niñoian

 Bizitz-bidean;

 Ortze nasaia lañoge...

 Gentza barnean.

 Zelaiak eta ametsak

 Lorez jantzirik;

 Biotz-muñeko kabia

 Maitez beterik.

 Mendi gallurrak dizdizka

 Urrezko izpitan;

 Ta bizitz-bide inguruak

 Maite-loretan.

 Samur ta eder goizetan

 Euzki biguna;

 Samur ta gozo gaztaroz

 Maitasun muna.

 Baña, ai! sastada zorrotza

 Ustekabean

 -Beasun antzo, mingotsa-

 Nabai barnean.

 Ta ots bat nunbait oyuka,

 Oyuka urduri...

 Bere oyua maitale

 Batena iduri.

 Agur, gaztaro-ametsak!...

 Jauna, Zeuretzat

 Autua nozu... Zeu zaitut

 Naiko maitetzat.