Biotz-lilia
Artadi
Ene lilitxo, lilitxo matte,
Zegaitik orren alaitsu?
Burrun-burrunka albo yabiltzun
Listor baltza ez dakuzu?
Goiz dirdiratsu batez, lilitxo,
Zuri begira nenguan,
Izar urdiņak ortze-barnera
Agertu ziran orduan.
Zein aratz eta eder zengozan
Lurrin gozoa ixuriz!...
Udabarriak esku samurrez
Apaindutako soin zuriz!
Goizaren arnas legun-eztia
Jostati zure gaņean...
Ta zuk, lilitxo, lilluraturik,
Parre alaia zengian.
"Lilitxo maite", -niņoan neugan-
"Zu bai egitan zoruntsu!...
Nok leukaken, ai! biotz-lilia
Zu baxen garbi, baretsu!...
Zelan zugandik begiok alde,
Orren maitakor baitzara?...
Eda egizu lurrin gozoa,
Eda irri-parrez zerura".
Ba-yoian arro Euzki Erregin,
Urdin zabala gaindurik...
Ta zu, lilitxo, zelan zakust? Ai!
Baratz-ertzean... zimelik!
Begira neban neure barnera,
Ta an, igarturik, zakust zu,
Biotz-muņeko lili!... Negarraz
Begiak yataz lausotu.
Biotz-malkoak, maite-malkoak,
Barne-lili zurilari...
Biotz malkoak, maite-malkoak,
Zatorkidaze ugari!!
