|
Erruki, Jauna!
Arrugain
Arrats itzaltsuan
Mendi gaillur ostez
Eguzkia dil;
Aran zabaletik
Laiņo baltz illunak
Digaroz ixil.
Urrun, oianean,
Otsoak uluka,
Ituna dager;
Goietan edurra,
Aranean otza,
Zerua goibel.
Dana illun dago,
Negu estalkiak
Destal ludia;
Odei barrenetik
Bildurgarri durte
Oņastarriak
Ostots-durundiak
Amil-arru zear
Ludira datoz;
Ondartza inguruan
Uhin izukorrak
Indartsu digoz.
Ikuskantz izua!
Oņazez biotza
Erdibitzen da.
Urtxi, entzun arren!
Errukitu zaitez!
Yabon ludia!...
Gizonaren erruz
Aserratu zara;
Azketsi baiņa.
Geure griņa txarrak
Bezauko ditugu.
Erruki, Jauna!...
Bidaldu ludira
alaitasuna ta
Eguzki izpiak.
Ea, arren, barriro
Odeiz estaldu
Zeruko argiak.
Gure griņa txarrak
Bezauko ditugu.
Erruki, Jauna!...
|
