Berriro ere, erriko pestak
Arrotz
-1-
Berriro ere, erriko pestak
orain zaizkigu iritxi,
Ta Usurbilko seme alabak
Irriparrez dira asi
Iņolaz ere nere aldetik
Poz au ez det nai gaitzetsi
Baņa barrura begiratuta
Ez naiz pozikan ikusi
Arazo gordin eta zorrotz bat
Nigan detelako bizi
Kezka sakon bat barruan daukat
Esan gabe ezin etsi
Nere barrengo poztasunari
Laņo beltz bat zaio nasi
Orregatikan al dan ondoen
Nai nuke adierazi.
-2-
Arrazoituaz jarraituko det
Eta noa esatera
Illunpearen mende dagona
Argira nai det atera;
Beste askore nere itzekin
Egongo dira batera
Aspaldi ontan usurbiltarrok
Au ikusten ari gera
Eta neretzat emendik dator
Nere samin ta minbrea
Usurbil maite, mudatu dala
Zure lengo egoera
Danen artean ostu dizute
Zure euskal izaera
Len beti euskaldun ziņan ori
Gaur arrozten ari zera.
-3-
Nere barruan nabaitutzen det
ixillik egon eziņa
baņa pentsatu zazu maitea
ez dala gauz atsegiņa
alaz ta ere ez naiz damutzen
zuri garbi itz egiņa
bestalde baizik argi egiten
saiako naiz alegiņa
itxu antzera ikusten zaitut
orrek ematen dit miņa
nere iritziz galdua dezu
zure elburu jakiņa
orregatikan Usurbil maite
au da zure zer egiņa:
zer zabiltzan da nora zoazen
egin zazu esamiņa.
-4-
Bearrezko da gure erria
nola dagon ikusten
bere akats ta bere gauz onak
zeintzuk diran esatea
gure erriko arazoetzaz
kontzientzi izatea
eta aueri gure neurrian
erantzun bat ematea
jakiņa, onek eskatzen digu
alkartuz lan egitea
danek batean billatu bear
artu bear dan bidea
era orretan lortuko degu
zoriona ta pakea
eta berriro loratuko da
gure Usurbil maitea.