Biek andre-gai bera
Arrossagaray, J.C.-Mattin
ARROSSAGARAY
Ene xangrinen kantatzen egun beharko baitut nik hasi
Orai gazte eta luzatuz huna zer dudan irabazi
Amerikano aberats batek eginikan zonbait jautzi
Nik neraukan andre gaie hunek oraino deraut ebasi.
MATTIN
Gazte maite hauk beren ustean tuzte gaitzeko oldarrak
Bainan ni ere hunat ekarri bainau gaur hala beharrak
Zaharrak ere hausten al ditu gazte haukien indarrak
Gaztia baino maiteago tuzte amerikano dolarrak.
ARROSSAGARAY
Hau erran gabe nik xahar hau egun ez dut nahi utzi
Afruntu eman baiteraut eta hori baitzeraut itsusi
Oraiko nexka gaztien maitasun hori ez daike ilusi
Dirua oral frogatu baitu maitasunari nagusi.
MATTIN
Gazte maite hau bere ustean hemen dago indarrian
Ta andre gaiak hau-re utzi du gaixoak hala beharrian
Huntan baino konfidentzi geio zuen harek dolarrian
Nekin ezkonduz promenatuko dut automobil ederrian.
ARROSSAGARAY
Esperantza bat badaukat oral bihotz onaren gainean
Amodioa segituko dut beti herrazko heinean
Ez dut penarik hartuko bate hok ezkontzen direnean
Berdin enekin ezkonduko da, Mattin hau hiltzen denean.
MATTIN
Adin pixka bat badaukat bainan nago gaitzeko trenpuan
Ni neskatxetan abiatu naiz hauxe zabilan lekuan
Hau ere gaizoa tronpatuko da bertze askoren kontuan
Amodioa galtzen errex duk miseria den lekuan.
ARROSSAGARAY
Huntaz mintzatu beharko dut gaur amodioa medio
Neskatxa horrek dirua zaukan gaur estimatzen kario
Horrek ekar dezake menturaz noizbait zerbait ondorio
Bainan sekulan diruak ez du maitasun on bat balio.
MATTIN
Gazte maitea erranen dautzut-gaur umil eta serio
Apez hoieke orain'artian meza zaukaten kario
Ehunarentzat berroita hamar erran dute emendio
Ez zuten hoike hori eginen sosak ez balu balio.