Arrospide

 Itz bi eitera abiatu naiz

 Jose Inasio zurekin:

 esan bezela ogeita beatzin

 etorri ziñan Iaunakin,

 Aita-semiok igaro gendun

 atsalde ederra zurekin,

 lendabiziko Mallu-txiki'n da

 gero larrean sagardoegin.

 ¡Olerki ederrik entzun genduen,

 etzegon lotan Erauskin!

 Iru ankako kazuela aundi bat

 dana friteraz betea,

 sagardo edanez uztu genduen,

 ¡gose zegoen jendea!

 Gero galdezka asi giñaden

 zenbat zan orren kostea,

 Balerdi'k zeukan ordaindua ta

 etzun nai aitatutzea.

 ¡Urte askoan orla opatzen dit

 amerikano gaztea!

 Egi egia esango izutet

 baña gezurra dirudi,

 aorik aora kantu lanean

 eztet balio txanpon bi;

 ikusi gabe ez nun esango

 oinbeste zanik Balerdi.

 Bertsua lasai botatzen digu

 estutu gabe geiegi,

 ¡orren gibela saltzen balego

 eosiko nuke libra bi!

 ¡Ai ura alaitasuna!

 zortzi laun alkarrekin.

 zein giñan esango det,

 nai duanak jakin:

 Balerdi, Prantzes, Lasa,

 Sarasola'rekin,

 Arrospide'tar Gabriel

 bere aitarekin,

 Napar Belantxio ta

 Patxi Erauskin.

 Errotaria, baldin nai bazu

 bi belarrikin au entzun:

 zu Zaldibiyan bizi zerade,

 apenas noski Altsasu'n;

 ni Irura'n jayo ta Ernani'n nago,

 badakit nun dan Oiartzun,

 Ezti gozua espaidazu nai

 biurtutzea beasun,

 nerea aitzezu ta, Patxi Erauskin,

 zuk zer diozun erantzun.