Iruratarrai

Arrospide

 Jaioterritik kanpoan nago

 Bearrak ekarri azita,

 Baña biotza beti or daukat

 Iltze gogorrez josita.

 Lagun zarrak, ona zuentzako

 Bialtzen detan enbita:

 Mingaña mutu, belarriak gor

 Begiak arrunt ixita

 ¿Sentzua joanda altzaute danok

 Ixil-ixilik jarrita?

 Bitoriano eta Pagola,

 Simon, Altuna, Balerdi,

 Eskerra eta Atanasio,

 Migel, Garmendia ta Arregi,

 ¿Ez al dezute idatzi bear

 ARGIA ontara letra bi?

 Irakurtzeko ni pozez, baña

 Zuenik ezta agiri.

 Iruratarrak zeratela ere

 Ia gezurra dirudi.

 Irabazia dezutenentzat

 Zerbait bear det ots egin:

 Nere erriko zoriak entzun

 Eta artzen det atsegin.

 Jarraitu orrela aurrera ere

 Ez iñoiz ere uts egin:

 Zuen lanari erantzun nai det

 Txalo bero bero bikin,

 Beiondeizuela Tuturruru ta

 Berri zabaltzale Txomiñ.