Agur alkate jauna
Arrieta, Joxe Mari
Juan Joxe Uriari
gaur gure agurra
eskeiņi nai nioke
ta ez da xamurra;
askatasuna ain da
guretzat laburra
egia dionari
goitikan egurra
kolpeka lortu degu
lortu dan apurra.
Obra an obra emen
lana eta lan
ori da egin dezun
pekatu txar dana,
erria jazten saia
larrugorrik zana,
beti bete nai zendun
biotzak esana,
al danok ba-gendu zuk
bezelako bana.
Pozgarri gertatzen zan
zugana joatea
beti zabalik zeukan
edonork atea,
zer ote da bat berez
gizon izatea...
lendabizi laguna
gero alkatea,
ta orain alajaiņa
saritzat katea!
Biotz zitala beti
zornearen miņez
gozotasun gutxi-ta
zipozkeri griņez.
Gu zurekin gaudela
lagun jator ziņez,
-ez bai dezu berdiņik
gizonez ta piņez
orretxegatik daude
eraman eziņez.
Ez dago gorrotorik
nere bertsoetan
asmo txarrikan ez det
beatz besoetan
baiņa goseak daude
eta basoetan
arrano atzaparrak
gure usoetan
errez sartu oi dira
mami gozoetan.
Nunaitikan etzaigu
falta atakerik
gorroto zipozkeri
malko ta nekerik,
ezin-bizi zori-txar
ta odol-eskerik.
Sua itzali gabe
ezin buka kerik
bide ontatik emen
ez dago pakerik.
Espetxeratua zu
etzera bakarra
gaur geiagorengana
eldu da sukarra;
baretuko al zaigu
denbora zakarra,
noizbait gallenduko da
eguzki indarra
lore usaia eta
txorien marmarra.
|