inprimatu
Txantxangorriya
Izenburua:
Txantxangorriya
Sinadura:
Arrese, Emeterio
Urkizaren iruzkina:
Egilea(k):
Arrese, Emeterio

Argitalpena:
Bertsolaria.
Urtea:
1932
Argitalpenaren urtea:
1
Alea:
36.zk.
Orrialdea:
225

 

 

 

 

faksimilea ikusteko


Txantxangorriya

 

Arrese, Emeterio

 

 1

 

 Zuk dezun margo ber-bera duen

 osto geyenak lurrean

 zuaitzetatik erori eta

 banazka, soill, daudenean,

 begiyak xabal-xabal jarrita,

 adar me baten gañean

 egoten zera, txantxangorriya,

 negarrez uda azkenean.

 

 2

 

 Ain txukun; apal eta geldiro

 jarraitzen zera kantuan,

 non ernai beti zuri begira

 egon arren bat onduan,

 naigabe pranko banatugatik

 kantari zauden orduan,

 iñoiz ez dizu ari zerala

 antzik emango mokuan.

 

 3

 

 Papar txiki ta gorrixta bor-boill

 ler egiteko zorian

 jardun-gai oso kupigarriaz

 beterik daukazunean,

 ain beste negar..., eresi xamur...

 axanpa guzik batean,

 ez dakit nola kabitzen diran

 zure kolko pollitean.

 

 4

 

 Aldizka purruxt, ega motxean,

 uste gutxiñez aurrera

 azaldurik an laister-bidetik

 maldagora goazela,

 gidari zintzo gertu bat izan

 nai bazenduke bezela,

 gure alboan zabiltza beti

 txoriño maiten-maitena.

 

 5

 

 Maite zaitugun ezkero nunbait

 ordañak aurrez ematen

 ote zabiltzan esan liteke

 negua sartu baño len.

 Ez ikaratu!, elurte gaizto

 aundienak izan arren

 gure onduan arkituko da

 zuretzako ainbat lurmen.

 

 6

 

 ¡O, txori gaxo, sotill, pollita,

 biotz erien laguna,

 txiruliuka negar ugari

 eztiro dariyozuna

 zu zera beti txantxangorriya,

 zu zera txantxan-iztuna,

 alakoxe gauz maitagarri bat

 erakusten diguzuna.

 


inprimatu