Tolosa
Emeterio Arrese
Amagoi baten antzera
gure zaindari
Tolosaren urbillean
Uzturre-mendi.
Onen bularrez osatu balitz
bezela dagon erriya
ikusi orain t'agurtu bere
aurrerapen ugariya.
Entzun, entzun or ibai aldeko
lan eresi pozgarriya:
burrunba luze, txiriots eta
tinki-tank-ari biziya.
Goizean oso goiz eguzkia
agertzen asi baño len
lankai otsezko eresi ori
egunero da berrizten.
Emengo mendi kolkoetatik
gugana bizkor datozen
iturritxoak "¡toki!", dasate,
"Tolosa'ri muñ lenbaillen!"
Jardun pollitaz "¡omen!" diote
ibai ertzeko txoriak,
"¡omen!" ur-jauzi durunkor eta
lantegi txistu zoliak;
"¡omen!" zut-zutik egoki dauden
suburu lirain guziak,
"¡omen, omen!" an gora doazen
ke mordo garaillariak.
Ezin ukatu sasoi bateko
olagizonen kemena
ondorengoei Tolosan beintzat
sendoki txertu zaiela.
Nausi-mutillak elkarganako
bayespenik ederrena
erakutsiaz argizten due
erri xar onen izena.
Biotzez agur, agur Tolosa,
oroimen kabi gozoa;
¡agur ta garai! ¡agur, biziro
maite zaitugun txokoa!
Abesti batez gorendu nayaz
zure jatorri zintzoa
olerki onen txindorrak alai
dabilki bere gogoa.