Seaskatik illobira
EMETERIO ARESE
Amets igeskor zoroak dira
lurtarren pozkai guziak,
txingarrak baņo iraute geigo
ez du-ta gure biziak.
Gaztea nitzan garayan beti
laisterka nijoan..., itxu;
gaur, zartzaroaz, nere bidean
nai arren ezin gelditu.
Zertarako da oraingo zenbait
sorbillarien iritza?
Egizko pozen iturburua
arretu nayaz dabiltza.
Biotz geyenak zalekerizko
igitzez daude ler-zori;
etsai gogorra iņolaz ere
ezin ase makur ori!
Pozbide txarrez alperrik dabil
gure gogotzar alena;
errazkeritik eldu dan pozak
ondoren beti gallena.
Atsegin eder gozoa noski
sailla da beingoz irixten;
nekazariyak nekatu gabe
ordaņik ez du jasotzen.
Bear genduken bezela ziņez
gizonak gizon bagiņa
ez litzake gaur izango noski
bizitz au orren samiņa.
Nekea baizik ez dakar gure
griņa gaizto ta zakarrak,
anayak etsai gabiltzalako
zorionik ez lurtarak.
Aundi ta txiki guziok berdin
lurpean laister..., illotzik;
alaz ere guk oroitu nai ez
bizi au laburra danik.
Egiya zertan gezurrez jantzi
il bear degun ezkero?:
"orain" une bat besterik ez da,
iraupen osoa.., Ągero!
* * *
Amets igezkor zoroak dira
lurtarren pozkai guziak,
txingarrak baņo iraute geigo
ez du-ta gure biziak.
