Ibai-ertzean

Emeterio Arrese

 Bizitzaren itxasoa

 kerizpe ontan ugeldi,

 nere atseden gozoak

 osin bat ziñez dirudi:

 ibaiko auxe bezela

 otxan, bare, geldi... geldi...

 tokirik eskutunean

 irasor antzez nago ni.

 Ur, aize ta txoriñoen

 mingain jatorrez eresi

 legun bat abaro-zear

 urbil zait... urbil maiteki;

 baitere susno garbiaz

 emengo baxaran, lili,

 untto ta senda-belarren

 emai gozo samur ori.

 Lur onek axon dario,

 ibayak otzen ugari,

 ta bero zakarra dagon

 garaiz nik, oso zaleki,

 amorrayen osiñean

 egiten oi det igari.

 Urume zador, maitea:

 zugan da betiko zori!;

 bizitzaren itxasoa

 kerizpe ontan ugeldi!