inprimatu
Aya-mendi'ren tontorrean
Izenburua:
Aya-mendi'ren tontorrean
Sinadura:
Arrese, Emeterio
Urkizaren iruzkina:
Egilea(k):
Arrese, Emeterio

Argitalpena:
Argia.
Urtea:
1927
Argitalpenaren urtea:
7
Alea:
332.zk.
Orrialdea:
1

Aya-mendi'ren tontorrean

 

Emeterio Arrese

 

 Aitzen artean aitzik zarrena,

 erpin sendo, gurgarriya,

 urpetik emen aurren-aurrena

 agertutako mendiya:

 Zugana bizkor eldu geranok

 ¡bai atsein zoragarriya!...

 Emendik orain lau aldetara

 zabaldurik urrutiya,

 egoaldi onez argi dago-ta

 ikustea gaude guziya:

 itxaso, mendi, zelai, basoak,

 tarteka berriz erriya,

 atzeko mugan lerro txuri bat,

 aurrez-aurre Donostiya.

 

 Mendi laztana: zure gañean

 igaro degun aldiya

 osatu dedin bertan daukazu

 ugayotz garbi-garbiya,

 lenen garaiko basauntz ariñen

 edan toki bereziya.

 ...¡Iturbegi txoil eztitsu ontan

 ase nai det egarriya!

 


inprimatu