Arraunketa

Arrese'tar Emeteri

     Egun alaya...

     Jai eder baten

 aztarnak biziro agitz

     euskal-abenda

     goratu zale

 itxas-uri ontan dabiltz.

     Arraunketa da...

     Mutil bikañak,

 zarrena beren lemazai

     arturik, orain

     bertan asteko

 tankeraz daude txit ernai.

     ...Treñeru biyak

     ¡rau! irten dira,

 irten oldar bat-batean;

     txanpaz jo ta jo,

     pitsa darie

 arraunkada bakoitzean.

     Egatu nayaz

     bezela, branka

 noizik-bein arin jasoaz,

     ur-gaña zorrotz

     erdibiturik

 leitsu ta bizkor dijoaz.

     Orain urruti...

     Baretu dira

 pitin bat gure dardarak;

     laister ordea

     berriro lengo

 poz eta biotz-ikarak.

     Onuntz bira-ta

     zuzen, ederki,

 leyaz gero t'areago,

     egiñalean

     kementsu datoz

 zein baño zein azkarrago.

     Itxas-ontziak

     orro ta txistu;

 aupaka biotzen lera.

     Treñeruk berdin

     igaro due

 gaztelupe-ko sarrera.

     Ekin mutillak!,

     ori dek, ori...!,

 jo griñaz ikur-aldera!

     Bertan zerate,

     arraunkada bi...

 ¡¡abeon degizuela!!

     Egun alaya...

     Jai eder baten

 aztarnak biziro agitz

     eusko-abenda

     goratuzale

 Donosti zarrean dabiltz.