Neguko gau izugarri bat
Arrese ta Beitia, F.
Neguko egun laburrian bein
Galdurik mendi artian
Nai ez nebala aurkitu nintzan
Itxasuaren aurrian;
Ezkutau jatan Eguzkia ta
Nun nenguan ez nekian,
Gaba egiten geratu nintzan
Bertan atx zulo batian.
Illunen aundiz gau erdirantza
Ez nekusan lur sorua,
Begiak gora jaso nintuzan
Eta ain gitxi zerua;
Larritu nintzan nire Errian
jarri ete zan Linbua,
Edo gelditu neu ete nintzan
Begietatik itsua.
Eta alanbere gorputzak nai lo
Baņa ez espirituak,
Gogora etorri jatazalako
Neure erriko kontuak;
Ez neban uste iņoiz zirala
Atxak ain errukitsuak,
Zeintzuk lagundu eusten kantetan
Negarrez sentimentuak.
Bakar bakarra nintzan gizonik,
Berba soņuak ugari,
Nire aotik urteten zana
Atxak erantzun bertati;
Nozik nozera goiz arteraņo
Lagunduagaz alkarri
Kantau geuntsazan kopla samurrak
Asaba zarren lur oni.
Nun gorde ziņan, lur ederra?
Nun ezkutau Eguzkia?
Nun desagertu, zare, izarrak?
Nun ostendu, Illargia?
Eta azkenez, nun estaldu zu
Ni jayo nintzan Erria,
Zuri begira zoratzen zana
Lenago mundu gustia?
Nnn dozu lengo argi ederra
Iņok ezlako gloria?
Ai ene! dana galdu zenduan,
Zakustaz illun jarria!
Galdu zenduzan eskubidiak,
Galdu zenduan legia,
Galdu dozu ia berbetia ta
Asaba zarren ondria.
Gozotasunik iņun ezdakust,
Dana dot garratzgarria,
Gabau irago artian emen
Nago estu ta larria,
Negu baltz onek izango aldau
Ondoren uda-barria,
Ikusi daidan neure Erria
Barriro loraz jantzia.
O! neure Erri aukeratua
Millaka errien artian,
Doe askogaz jantzia zara
Ariman ta gorputzian,
Adimenduan zur ta argia
Bizi da zailla lanian,
Alperkeriak ezdau lekurik
Ez beintzat zure lurrian.
Geiso txar batek baņa zinduzan
Iya antxiņa zu artu,
Urtiak asko juanagaitik
Gatxak aurrera jarraitu;
Osatuko ete zarian bere
Sarritan nozu bildurtu
Unetaraņo sartu jatzula
Gatx ori neban siņistu.
Jira egizu mundubolia,
Pozezko egunak erdue,
Zatoze arin egun argiak
Etortekuak bazare;
Nire begiok lausotu ziran,
Ezer ikusten ezdabe,
Baldin aguro ez bazatoze
Illa aurkituko nozue.
Erdue arin, ezdiralako
Jausi atx eta mendiak,
Ez dira agortu errekak eta
Ez mututu iturriak,
Ain gitxi olak eta errotak
Isildu gabi ta argiak,
Negu danetan jasoten dabez
Tontorrak buru zuriak.
Zatoze, bada isildu ziran
Ontzen garaitz-diadarrak,
Ia aspaldian ez dira entzuten
Gautxori ta saguzarrak,
Ez dakit nora ezkutau ziran
Ipurtargi uts zantarrak;
Izarrak baņo arruago len
Emen argitzen ziranak.
Ene!... Zerua izarratu jat,
Agertu da Illargia,
Itxas ederra isildu da ta
Dirudi landa zelaya,
Ipar aizia gozo mee dator,
Gaztelaratu egoia,
Mundua jiran ara badakar
Nik gura neban garaia.
Ollarrak orra kukurrukuka
Balira legez zoratu,
Goizeko izarra bein bere baņo
Argiago jat agertu;
Orain benetan egun ederra
Datorkula dot siņistu,
Illuntasunak iges-bidia
Deritxat dabela artu.
Nire begiak argitu dira.
Poza sartu yat barrura,
Ez alda atzera bart lako gaurik
Ez etorriko Mundura.
Ordu aiņ larri eta illunei
Betiko agur eginda,
Ego bi baldin euki banituz
Igoko neban zerura.
Ezagutzen dot denporak txandan
Txar eta onak dirala,
Gure Munduak burpillak legez
Jira egiten dabela,
Gabak urrengo dakar eguna,
Neguak uda-barría,
Onek atzetik uda loratsu
Eder ta zoragarria.
Neure erria, itxaron bada
Itxaron egizu poza,
Jaunak zeruan lur onarentzat
Gorderik daukan garaitza;
Jarraitu beti goiz eta arrats
Egiņaz zeure otoitza,
Eleizatxo bat begitanduten
Niri jat zure ezkaratza.
Keiagaz nasi bertatik dakust
Gora doian erregua,
Zeure biotza dagoalako
Fedian isiotua;
Gero zerutik iņontz gozuaz
Zara zu bedeinkatua,
Orrexegaitik nik deitu neutsun
O! Erri aukeratua!
Eun da ogeita zazgigarren da
Dabid'en Salmo artian,
Erri maitia, kanta samur au
Gorde egizu biotzian,
Zure siniste ta oiturentzat
Dator au bete-betian,
Igarla Santu Erregiagaz
Kanteuko deutsut batian.
Doatsu dira gizon guztiak
Bizi diranak lurrian,
Jaungoikuaren bildur santu ta
Bere lege ta bidian;
O! zu justua, zuk jango dozu
Neke ta lanen atzian
Euren frutua bakian eta
Bedeinkaziņo artian.
Zure emazte leyal garbi ta
Etxian gorde zaliak
Mats parra batek legez emongo
Ugari dituz umiak,
Oliboaren pipit ederrok
Mayan inguru jarriak,
Eukiko dozuz bedeinkaziņoz
Diralako etorriak.
Sion gaņetik isuri beizuz
Jaunak zoriontasunak,
Erabiliko dozuz goguan
Jerusalengo ondasunak,
Gozau egizuz bizi guztian
Eta ikusi lurrian
Zure semien semiak eta
Baita Israel bakian.