Neguko gau izugarri bat
Arrese Beitia, Felipe
Neguko egun laburrian bein
Galdurik mendi artian,
Nai ez nebala aurkitu nintzan
Ichasuaren aurrian;
Ezkutau jatan Eguzkia ta
Nun nenguan ez nekian,
Gaba egiten geratu nintzan
Bertan ach zulo batian.
Illunen andiz gau erdiruntza
Ez nekusan lur sorua,
Begiak gora jaso nintzan
Eta ain gichi zerua;
Larritu nintzan nire Errian
Jarri etezan Linbua,
Edo gelditu neu ete nintzan
Begietatik itsua.
Eta alanbere gorputzak nai, lo
Baņa ez espirituak,
Gogora etorri jazatalako
Neure erriko kontuak;
Ez neban uste iņoiz zirala
Achak aiņ errukitsuak,
Zeintzuk lagundu eustan kantetan
Negarrez sentimentuak.
Bakar bakarra, nintzan gizonik
Berba soņuak ugari,
Nire aotik urtetan zana
Achak erantzun bertati;
Nozik nozera goi arteraņo
Lagunduagaz alkarri,
Kantau geuntsazan koplak samurrok
Asaba zarren lur oni.
Nun gorde ziņan egun ederra?
Nun ezkutau Eguzkia?
Nun,desagertu zaree izarrak?
Nun ostendu Illargia?
Eta azkenez itun estaldu zu
Ni jayo nintzan Erria,
Zuri begira zoratzen zana
Lenago-mundu gustia?
Nun dozu lengo argi ederra
Iņok ezlako gloria?
Ai ene! dana galdu zenduan
Zakustaz illun jarria!
Galdu zenduzan eskubidiak,
Galdu zenduan legia,
Galdu dozu ya berbetia ta
Asaba zarren ondria.
Gozotasunik iņun ez dakust,
Dana dot garratzgarria,
Gabau irago artian emen
Nago estu ta llarria,
Negu baltz onek izango aldau
Ondoren uda-barria,
Ikusi daidan neure Erria
Barriro loraz jantzia.
O! neure Erri aukeratua
Millaka errien artian,
Doe askogaz jantzia zara
Arima ta gorputzian,
Adimentuan zur eta argia
Bizi ta zailla danian,
Alperkeriak ez dau lekurik
Ez beintzat zure lurrian.
Geiso char batek baņa zinduzan
Iya anchiņa zu artu,
Urtiak asko juanagaitik
Gachak aurrera jarraitu;
Osatuko ete zorian bere
Sarritan nozu bildurtu,
Unetaraņo sartu jatzula
Gach ori neban sinistu.
Jira egizu Mundu-bolia
Pozezko egunak erdue,
Zatozte ari egun argiak
Etortekuak bazare,
Nire begiak leusotu ziran
Ezer ikusten ezdabe,
Baldin aguru ez bazatoze
Il aurkituko nazue.
Erdue arin ez diralako
Jausi ach eta mendiak,
Ez dira agortu errekak eta
Ez mututu iturriak,
Ain gichi olak eta errotak
Isildu gabi ta arriak,
Negu danetan jasoten dabez.
Tontorrak buru zuriak.
Zatoze bada isildu ziran
Ontzen garaitz deadarrak,
Ia aspaldian ez dira entzuten
Gauchori ta saguzarrak,
Ez dakit nora ezkutau ziran
Ipurtargi ust zantarrak;
Izarrak baņo arruago len
Emen argitzen ziranak.
Ene!... Zerua izarratu jat,
Agertu da Illargia,
Ichas ederra isildu da ta
Dirudi landa zelaya,
Ipar aisia gozo mee dator
Gaztelaratu egoia,
Mundua giran ara badakar
Nik gura neban garaia.
Ollarrak orra kukurrukuka
Balira legez zoratu,
Goizeko izarra inoz baņo
Argiago jat agertu;
Oraiņ benetan egun ederra
Datorkula dot sinistu,
Illuntasunak iges-bidia
Deriuat dabela artu.
Nere begiak argitu dira,
Poza sartu jat barrura,
Ez alda atzera bart lako gaurik
Ea etorriko Mundura;
Ordu aiņ larri eta illunai
Betiko agur eginda,
Ego bi baldin euki banituz
Igoko neban zerura.
Esagutzen dot denporak chandan
Char eta-onak dirala,
Gure Munduak burpillak legez
Jira egiten dabela,
Gabak urrengo dakar eguna,
Neguak uda-barria,
Onek atzetik uda loretsu
Eder ta zoragarria.
Neure Erria icharon bada
Icharon egizu poza,
Jaunak Zeruan lur onarentzat
Gorderik daukan garaitza;
Jarraitu beti goiz eta arrats
Egiņaz zeure oitoitza,
Eleisacho bat begitan duten
Neri jat zare eskaratza.
Keiagaz nasi bertatik dakust
Gora doian erregua,
Zure biotza dagoalako
Fedian isikotua;
Gero zerutik inontz gozuaz
Zara zu bedeinkatua;
Orresegaitik nik deitu neutsun
ĄO! Erri aukeratua!
Eunda ogeita zazpigarren da
Dabid-en Salmo artian,
Erri maitia kanta samur au
Gorde egizu biotzian,
Zure sinistu ta oiturentzat
Dator au bete betian,
Igarla Santu Erregiagaz
Kantauko deutsut batian.
Doatsu dira gizon guztiak
Bizi diranak lurrian,
Jaungoikuaren bildur santu ta
Bere lege ta bidian;
ĄO! zu justua zuk jango dozu
Neke ta lanean atzian,
Euren frutua bakian eta
Bedeinkaziņo artian.
Zure emazte leyal garbi ta
Echian gorde zaliak,
Mats parra batek legez emongo
Ugari dituz umiak,
Oliboaren pipit ederrok
Mayan inguru jarriak,
Eukiko'dozuz bedeinkaziņoz
Diralako etorriak.
Sion gaņetik isuri beizuz
Jaunak zoriontasunak,
Erabiliko dozuz goguan
Jerusalengo ondasunak,
Gozou egizuz bizi guztian
Eta ikusi lorrian,
Zure semien semiak eta
Baita Israel bakian.