Neguari. Amalauduna

Arrese Beitia, F.

 Negu baltz ta motza bizar zuriokaz

 Atorkigu leiaz kikildutera?

 Zeru urdiñari laño arreakaz

 ¿Zertan ichi deutsak arpegi ederra?

 Agura zitala arnasa otzokaz

 Ipar erriraño oa atzera

 Eure alderdian ago ekachokaz

 Etorri bagarik Egoi aldera.

 Azalako sartu i gure lurrera

 Narru gorrian or, zugatz  guztia,

 Errekea orroez, zelai ta mendia

 Pichicho bat bere ez dakarrela,

 Ichasoa asarre, Eguzkia lotan,

 Begirik zabaldu nai ez dabela.