Neguari. (Amalauduna)

Arrese ta Beitia, Felipe

 Kanpoak oi deuskuz Florak aldi baten

 Apainduten loraz añ zoragarri,

 Uda andik laster eskiniaz jaten

 Datorkio barrez gose danari.

 Bioen aldia danean joaten

 Agertzen da Bako penen pozgarri,

 Triste bat badakus, emonik edaten

 Ipinten dau arin pozez kantari.

 Baña, gaur laugarren dogu etorria,

 Surretik botiaz, tan, tan, dindirria,

 Neptuno urtetsu, buru urdiña.

 Otzak kikildurik, kapaz estalia,

 Aguren illtzalla, gazte zartzallia,

 Negu baltz, itsusi, zital, zikiña.