Gure azken-lekua. Amalauduna
Arrese ta Beitia, Felipe
Orri igartuak uda azkenean
Arbolatik dira lurrera jausten,
Euren izateak bizia galtzean
Lurrean dirala sats biurtuten:
Zelan ichasoan ontziak urean
Markarik ez daben inoz egiten,
Alan orrichoak zer ziran ez dabe
Gomutagarririk guretzat isten.
Bardin ill ziranak toki au largaurik
Guretzako jareiń eben mundua,
Nortzuk gaur dagozan geyenak azturik
Aztu oi dalako iragokua,
Agaitik orriak legez igarturik
Obira daukagu jausi-lekua.
