Gernika-ko Euskal-piestetarako, amalauduna

Arrese ta Beitia, Felipe

 Erabilli arren mundua guztia,

 Leku aiñ on bat ¿nun neike billatu?

 Bene benetan da nire erechia

 Lur eskeñikoan nazala sartu.

 Emenche gozetan dodan kerizpea,

 Arech Arbola zar baten ondoan,

 Ez dodala topau nai dot kantetea

 Iñongo erritan Gaztelakoan.

 Ause, dogu ause, lur bedeinkatua,

 Asabak batuten zirean lekua,

 Ause, barriz ause, euren Arbola,

 Euskaldunak jaso buruak gora,

 Deadar egin daigun geure Gernikan:

 Beti Foru zale nai dogu izan.