Bizkaitar zarrak eta Erromatarrak

Arrese ta Beitia, Felipe

 Emonik baña guziai laster

 Tripa larriak...

 Lauetan urriñ, tripak janagaz

 Arrabietan.

 ¡O! berbadunak balira barriz

 Gure mendiak,

 Eurok esango leuskiguez añ

 Egi garbiak,

 OLLOTURIK gaur gagozanentzat

 Lotsagarriak.

 Berba egizue gure ichaso

 Orroetsuak,

 Berba artega zabiltzazanok

 Amorratuak,

 Erromatarrak zireanean

 Azpiratuak:

 ¿Etzare zuek odol errekak

 Edanikuak?

 Iñoz sartuten bajakoezan

 Barriz urrera,

 Biurtzen ziran arturik laster

 Tunda ederra.

 Chingorra-legez zalako jausten

 Euren gañera,

 Achen chunchurra bilinbolaka

 Or emen bera.

 Eta su ta gar, otos-otuan,

 Milla aldiz milla,

 Jakezanean gure mutillak

 Sartu erdira,

 ¡Ai! ango orduko negar, chillo

 Burdiñ-ots miña,

 Infernuagaz bakarrik oi zan

 Bardiñ bardiña.