Amodio ederraren amari
Arrese ta Beitia, Felipe
Kantartea.
O Maria lora, lora guztietan
Sekula maiztuten etzareana,
Zugaitik jadichi daigula frutua
Amodio gozo gozoarena.
Kantaldiak.
Landararik liraiņ eskertsuenakaz
Lorategietan galanten zara
Amodio garbi ederraren Ama
Eztitasunezko ortu bakarra,
Zure sabel guztiz zorionekotik
Jayo zan lorarik egokiena,
Zugaitik jadichi daigula frutua
Amodio gozo gozoarena.
Ezkutapenezko landa loratsua,
Semeak deutsuez gaur alabantzak
Kantetan poz pozik samurtasunagaz
Edertasunezko zure garaitzak.
Zinamomo-aren dozu usaiņ ori,
Galantasun ori franzesillena,
Zugaitik jadichi daigula frutua
Amodio gozo gozoarena.
Zedroa legeche eregiten zara,
Palmea-ren gisan goruntz aziten,
Platanoa legez baita zabalduten
Zipres-en antzera goyan amaitzen;
Orregaitik gozuz zuri kantetara
Iguitu Amarik maitetsuena,
Zugaitik jadichi daigula frutua
Amodio gozo gozoarena.
Sortueran zara lirio zuria
Seingintzan betiko-lora polita,
Eta sensitiba bizitza guztian
Pasiņoan zara zu bioleta,
Barriz biztueran karmiņaren gisan
Larrosa gorrien antzekoena,
Zugaitik jadichi daigula frutua
Amodio gozo gozoarena.