Kezkatsu naukan burutapen au

Muño (Joxe Mari Aristondo)

 -I-

 Kezkatsu naukan burutapen au

 nolabait nai adierazi.

 Jaunari bere argitasuna

 eska nai diot lenbizi.

 Pentsa gurekin bai ote degun

 zer galdu ta zer irabazi,

 berau arretaz aztertutzea

 uste dut dula mrezi

 -II-

 Bertso batzutan jarri nairikan

 emen bere azken naia,

 amon zar batek agertu nai du

 zertarako daukan leia.

 Zeru ederra irabaztea

 Bait da gure bear gaia,

 Itxaropenez eman deiegun

 bizitza oni amaia

 -III-

 Ez da garrantzirik gbekoa

 gogo duanak aztertu.

 Jainko altsua ez ote degu

 guregandikan baztertu,

 deabruaren azi gaiztoa

 gugan erne ta zuztartu,

 eta gu bere serbitzurako

 nai ote gaitu uztartu?

 -IV-

 Sukalde garbi eta alaia

 ezin obeto osatu,

 inguruko sendi ederra

 bazan zerekin bazkatu.

 Ordea, gauza batek ninduan

 biotz barruan kezkatu,

 etsaiak ere bai ote zuan

 aien artean ostatu.

 -V-

 Esaten ari ziran gauzari

 ematearren garrantzi,

 tartean bizigarritzat edo

 birau zikiña erantsi.

 Nundikan baiña izurrite au

 zaie aueri itsatsi?

 Nork pentsa kristau sendi batean

 au bear zala ikusi!

 -VI-

 Zorionean gure aurrekoak

 kristau zintzoak jatorriz,

 arazo auxe artutzen zuten

 guk ez bezelako neurriz.

 Gaur egunean aurrerapena

 entzuten da milla aldiz,

 baiña bearren zaizkigunetan

 aurrerago ote gabiltz?

 -VII-

 Aurrerapenen aurka ez det nai

 iñolako moduz mintza.

 Aitortu nai det lenago baiño

 erosoago gabiltza.

 Aldi gutxiko degu ordea

 orrek damaigun emaitza,

 naspilla ortan aztutzekotan

 gure betiko bizitza.

 -VIII-

 Bere gogotik jaten duanak

 perretxiku pozoiduna,

 esan al leike maite duala

 gorputzaren osasuna?

 Birau edena nerekiko da

 orixe bezin astuna,

 damu min baten laguntza gabe

 barkaziorik ez duna.

 -IX-

 Jainko altsuak agertu dizu

 guzizko maitetasuna.

 Etzan zurea Ark eman dizu

 daukazun trebetasuna.

 Ukatu nairik al zabilzkio

 bearren jabetasuna,

 ez al zendun zor Arekin beste

 moduzko leialtasuna?

 -X-

 Aren maitasun eta almenez

 etorri ziñan mundua,

 baiña zoritxar izugarria

 daukazu zeregandua.

 Birau likitxen griña gaiztoak

 zaduzkalako gaindua.

 Naiago izan al dozu jarri

 deabruaren agindua?

 -XI-

 Okerragorik ez dun joera

 era ortan itsatsirik,

 ikusitzeak nola ez utzi

 samintasunez josirik?

 Kristau sinismen jatorrak emen

 ez al du zor ikusirik;

 ausardi likitx nabarmen orri

 ez ipintzeko esirik?

 -XII-

 Pentsa al dozu iñoiz biraua

 zertaraiño galtzaille an,

 itxaropenik ez al dezu nai

 zuk Kristo Salbatzaillean?

 Txistu zikiñak ezarri nairik

 zabiltz bere masaillean,

 egunen baten itzegingo du

 naiz gaur egon isillean.

 -XIII-

 Onbideratu nai bazenduke

 ortxe daukazu aitortza

 barkaziorik izango bada

 guztiz bearrezko gauza

 Iruditutzen bazaizu dala

 ori sendagai garratza,

 biguñagoa ez da izango

 Kristoren epai zorrotza

 -XIV -

 Jaun altsua da gertakizunak

 guztik bistako zaizkana.

 Kontura, birau-zingira ortan

 igerian zabiltzana

 eldu baño len une larri bat

 azpian artu zaitzana,

 bestela damu izango dezu

 mutu ez jaio izana.

 -XV-

 Zu, gurasoa, kupira gabe

 or lanean aritua,

 orra semea! zerorrek sortu,

 gorde ta janaritua.

 Biraoagatik ajolarik ez,

 nunbait ain zaude oitua.

 Pentsa orretan azaltzen dezula

 zure lanen meritua.

 -XVI-

 Ez artu gauza azalekotzat

 begira bere mamia.

 Orra nun dezun zure laguntzaz

 osatutako semia,

 ezpaiñetatik iariotuaz

 deabruaren zornia

 Zeuk izan ez dezulako ote

 bear zen begirunia?

 - XVII -

 Aitona zarra emen ari da

 eman naiean albiste.

 Arindutako baten ametsak

 auek diranik ez uste.

 Mundu au ez da betirakoa

 oiek ondoren datozte.

 Or konpon esan eta uzteko

 geiegi maite zaituzte.