Geldi gabeko ibiltze baten

Muño (Joxe Mari Aristondo)

 -I-

 Geldi gabeko ibiltze baten

 mundu ontatik baguaz,

 zorion edo txarraren gaiak

 ementxe gereganduaz.

 Erruki edo maitetasunik

 badegu geren buruaz,

 arretatsugo izan gaitezen

 betiko bizilekuaz.

 -II-

 Gure bizitza ez bedi izan

 goibela ta eroria.

 Noiznai ta beti eraman zagun

 kristautasun agiria,

 gogoratuaz onen ordaiñez

 emango zaigun saria.

 Ori da emen bildu gentzaken

 egizko jakinduria.