BErtsolari zaharrak azaroaren 17an

Muño

 -1-

 Gizon jator bat inguratu zait

 itzegiteko gogotsu,

 bazirudien ezagutzia

 zitzaiola atsegintsu.

 Argazki tresnaz egin ondoren

 beronek zenbait zerbitzu.

 Gero esan zidan aizazu, arren,

 bertsorikan ez al dezu?

 -2-

 Nere burua daukadan arren

 lotua eta nagiya,

 uzkurtasunak uxaturikan

 eman zagun arpegiya,

 ezagutuko duten ustetan

 or-emengo eroriya,

 jardun onentxen gaitzat nai nuke

 aurtengo omenaldiya.

 -3-

 Zeruko Argiaren alea

 badaukat eskuratuta,

 bertsolari zarren taldea

 argazkiz inguratuta,

 bere lankide izandakoak

 Uztapidek agurtuta.

 Zenbait itz bide moldatu nai

 det oieri begiratuta.

 -4-

 Joxe Inazio eta Klemente

 orain German eta Simon,

 oiekin ondo igarotzea

 ez al zaigu izango on?

 Bekokidunak ote diraden

 ere pentsatzen banegon,

 azalez ez igartzen baiña

 biotz mardula nun dagon,

 -5-

 Saikolarekin, Franzisko Mari,

 Joxe Mari ta Zubeltzu,

 kolko aundiko gizon bikaiña

 emen agertzen zera zu.

 Ezin arritu, izatearekin

 Uztapideren maisu

 Al baldin badet besarkatzera

 inguratuko natzaizu.

 -6-

 Bautista eta Joxe Kruz emen,

 gero Tomas da Lorenzo,

 Juan da Kosme, nik obeko det

 oiei poliki eraso,

 bestela laster egingo naute

 naiz eratxi ta naiz jaso

 Orregatikan, mesedez, neri

 ez egin iñola kaso.

 -7-

 Zer besterikan esan nezake

 nik omenaldi onetzaz,

 bakarka baiño egokiago

 gera batera askotzaz.

 Bestela egon bearko gendun

 erdi bildur, eta lotsaz.

 Ausarditsugo izango gera

 bata bestean laguntzaz.

 -8-

 Billera ori omen daukagu

 guk datorren azaroan.

 Euskalerriko kantari zarrak

 luze ta zabaleruan.

 Ikasbide bat ona ematen

 saia gure zartzaroan,

 bertsolaritzak iraun al dezan

 maitasunezko giroan.

 -9-

 Nere Jainkoa, Zugan sinistuz

 euskaldun zarren antzera,

 Zure laguntzaz bizi izanak

 iritxi gera zartzera,

 ta inguratu samarrak gaude

 bizi mugaren ertzera,

 kristautasunak beartzen gaitu

 entan arreta jartzera.

 -10-

 Nola ez geran jaio izanak

 gu betirako onera,

 laster liteke azkena eta

 orduan betiraunera

 Bearrezko da begiratzea

 gure biotz barrenera,

 nork lagunduko digun sartutzen

 betiko zorionera.

 -11-

 Urteen zama astuna eta

 geroni indarrik gabe.

 Azken pausoak zuzendutzeko

 izango al gera trebe.

 Sinismena da aitortu zagun

 kristautasunaren abe.

 Eliz Amaren erakutsiak

 emango digu adore.

 -12-

 Grra kasikan uste gabean

 iritxi azken garaira.

 Nolabaiteko izan geranak

 bildu gaitezen arraira.

 Luza baino len bukaturikan

 degu emengo kondaira,

 Eta betiko bizi tokitzat

 beiratu zeru sapaira.

 -13-

 Degun guztia opa dunari

 ez eman ordain zikoitza,

 Berarengatik maita ditzagun

 guztiak eta bakoitza.

 Gure armarik indartsuena

 uste oneko otoitza,

 onen bitartez iritxiko da

 azken gabeko garaitza.

 -14-

 Neri eztenka saiatu ziñan

 lo zurrotikan esnatzen.

 Genzaken baiño ezer geiago

 gauza zailla da eskaintze.

 Gaizki esanen barkazioa

 det oraingoan eskatzen

 eta luzegi ari naizela

 ere asi naiz kezkatzen.

 -15-

 Auekin aldi bateko aiña

 izango dala deritzat.

 Ontan bukatzen dirade Muño

 aitona onen emaitzak.

 Beste ainbeste egiten badu

 bertsolari zar bakoitzak

 naiko krisaillu izango dezu

 Zeruko Argiarentzat.