Abiyatu naiz asunto bati
bertso berriyak jartzeko
arro dabiltzan buru ariņak
errespetuan sartzeko
bastante bero prestatu nintzan
bera andretzat artzeko
beste gauzikan ez nuben bear
nere burua galtzeko.
Neskatxa ori nungotarra dan
publikatzeko izenez
libertaderik ez omen dago
oraiņ esaten dutenez
ezta berela aspertzekua
nobiyoz edo gizonez
gutxinez ogei mudatu ditu
ni akordatzen naizenez
pobriak gusto txarra degu ta
aberatsikan izan ez.
Aspaldi xamar galdetu ziran
ia nobiyorik banuben
ezkondutzeko pentsamenturik
beņere izan al nuben
urare faltan zenuala ta
konprometitu nai nuben
izketan ondo ikasiya da
poliki artu ninduben
biyotza faltso zebilkilarik
mingaņez maite ninduben.
Erantzun niyon lan ortarako
oraindik nago gaztia
gure artian gerta liteke
endredo edo nastia
etzait gustatzen eldu baņa len
frutak probatzen astia
alde batera obeko degu
orlako gauzak uztia
akaso fraile ni joango naiz ta
billau zazu bestia.
Ia benetan ari al nintzan
galdeu ziran beala,
sinistu zazu biotzetikan
asko sentitzen deala
nik aditzen det zintzua eta
mutil prestua zeala
mundu guziyak ba daki berriz
ondo konpontzen geala
gogo txarretik agindu niyon
bastante pena nuala.
Txit mudakorrak dirade zenbait
gaurko eguneko personak
endemas ere ori bezela
beti kezketan daudenak
arrotu gaitu orretarako
iderik gabe geundenak
naiz gero berak despeida eman
agindu arte itz onak
ez daki asko zer egingo dun
au artzen duben gizonak.
Langillia naiz kondutakoa
gaizkirik egin gabia,
beste tatxarik etzait arkitzen
diru gutxiren jabia
neskatxa orrek ba dizu berriz
oso jeniyo garbia
mutil gaztiak engaņatzeko
ain dauka mingain trebia
au artzen dubenak zer suertia
uzten dubenak obia.
Diru askorik ez duelarik
tontorra goyan jartzen du
kuidado gero lujua oyek
oraindikan ez atzendu
zerbait ondotxo sendi dubena
aguro engaņatzen du
lengo kukuak oker jo diyo
ori ere berak esan du
obe zenduke kaballero bat
alkantzatu ba zendu.
Lengo Paskua bigarrenian
gogoratzen altzera dama
merienda artu aitzeki eta
nola joan ziņan nigana
mutil gaztiak engaņatzeko
zer desiua zeukana
egun arretan zure kontura
naiko jana ta enana
itz batetikan bestera azer
azkar mudatzen zerana.
Pena aundirik ez digu eman
neskatxa orren uztiak
sujetatuta bizi biegu
endemas ere gaztiak
familirako kaltia dakar
lujo aundiyan astiak
bajuban ere asko darama
mantendu eta jaztiak
ezkondu beste gauzikan orrek
ez du pentsatzen tristiak.
Dudarik ez ta neskatxa orrek
ondotxo irabazten du
nundikan edo nola ez dakit
lujo aundiya jazten du
tamaņa orretan ezin liteke
langillerikan mantendu
monja joateko asmoan ez ta
albaliteke ezkondu
orain soldadu dabillenen bat
adiskidea omen du.
Ez da erraza ezagututzen
dama orren buruzbidia,
gezurrik ez naiz esaten ari
artu zazute fedia
len langilliak giņun nobiyo
oran militaria
kantinarentzat asteko nunbait
izan bear du idia
soldadu zarren sosak arentzat
deskuidatutzen badia.
Nerekin itzak pasa baņa len
ba zuben beste majua
engaņatuta iduki nuben
urare gizarajua
nik jolasian ematen diyot
mutil on baten tajua
beste tatxarik apenas duben
interesetan bajua
sayatu faltan aberats gabe
apenas dagon gajua.
Amar urteko asi omen zan
mutil gaztiak miatzen
izketan badu zerbaiten planta
ez naiz batere fiyatzen
ori orlako ollanda zanik
nik ez nuen esperatzen
mundu onetan asko bezela
griņa gaiztuak tiratzen
yayo xamarra dala diyote
txiki erdiyak jiratzen.
Zerbait disputa izan da gero
ninduten entera azi
au artu banu istillu txarra
bear nubela ikusi
nere etxian etzait gustatzen
emakumia nagusi
ondo merezi zenuelako
zaitut eskarmenta azi
orra amabost bertso berriyak
nai ba dituzu ikasi.