Nire gorputza
Aresti, G.
Nire gorputza dago eortzirik lurpean.
Emen baiņo isilago bizirik, nik, mutu,
Eskari gutxiago egin dizut lurrean.
Orain obian nago. Agortu didazu
Irribarrez biotza, eta zure soiņean
Artu duzu ilitza; ta etzara damutu.
Kanpo-santuan otza daukat nire barnean,
Bekokian izotza imini baituzu.
Nire neska lerdena: Eztaukat zer-egiņik.
Eman zenidan pena eztut gal-erazi nik:
Nire errai sakonena odol-gabetu da.
Zure maitea datza katabutan aatinik;
Jan dut ezti garratza, baina ez ogi zikinik.
Emaidazu, neskatxa, garbia dan ura!
