Belia eta axeria
Archu, J.B.
Zuhain baten kukulan jarririk,
Bele jauna zagon gazna bat moskoan.
Axeri jauna usainaz deirurik,
Gelditu zen Zuhainaren ondoan.
Hitz hoiek diotzu hegaltariari:
"Egun hon, agur, gure jaun Beliari!
Zoin polit, zoin eder den!
Egiazki zure botzak zaiaren
Balin badu iduria
Bortutan diren ihizi ederrenen
Zu zira erregia!"
Beliak hitz hoeitzaz hanturik,
Bere botz ederra erakutsi nahi du;
Mosko handi bat zabalturik,
Gazna lurrerat uzten du.
Axeriak gazna atzamanik,
Beliari erran zuen ordian:
"Jakin zak, jauna, lausengaria,
Hari beha denaren kostuz mundian,
Betidanik izan dela jankidia.
Ene lezioneak, arauz, balio dik,
Gazna bat segurki".
Beliak, beranzki,
Bere tontokeriaz ahalketurik
Zin egin umen zuen
Geiago etzutela atzamanen.