Pilar

                                                                 Gabriel Aresti

 Jabetasuna kentzen diarokanat

 nere andreari

 behin emandako

 tituluaz,

 zeren Torkemadaren Espainiak

 desgorpuztu (desaruinatu)

 bait du

 Soiarena.

 Espainiako andrea,

 hi,

 Pilar,

 Uribeko alkate andrea,

 behin eta berriz gure Bizkaia deseuzkaditzera

 (gaztelatzera)

 alegindu haizena,

 kondenatzen haizena,

 heriotzera,

 arrazoi askorengatik bait da gizona munduan

 harrikatu, tragazatu, tirokatu,

 bai,

 lurra, etxe bat,

 ogia,

 fedea, libertatea

 eskatzeagatik.

 Anton Fernandez Elorriaga

 hil dun

 birietara eramateko

 airea

 eskatu

 zuela.

 Zeuri,

 Pilar,

 Espainiako andreari,

 ematen deraunat

 titulua

 eta

 konduna.