Gure aita santu Leon amairu-garrenari

Araquistain, Juan V.

 Chimista ta trumoya

 orei beltz artian!

 Ekaitza, aizia, bagak

 ichaso aserrian!

 Eta belak galduta

 olatu mendian

 San Pedroren ontziya

 dabill trabesian.

 Baña Jaunaren itza

 egikaria da,

 alan ontzi santua

 ondatuko ez da.

 Sortu du salbatzeko

 biartzan bezela

 lurrak ikusi duen

 gizon aundiyena.

 Jainkuen izenean

 biotza beterik

 igo da ontzira prestu

 olatu gatietik.

 Artu du eskuan lema...

 bultza du gogorrik...

 eta ontziya ibiltzen

 asi da zuzenik.

 Gizon santuen itza

 umill aditzian

 aizeak eta ekaitzak

 jun dira nastian...

 baretu da ichasoa...

 eta bitartian

 sano da Eleiz-ontziya

 portuan bakian!

 ¡O Leon Aita maite

 Erromako izarra!

 Eleizaren argiya

 Egiyen indarra!

 Zure jakinduriyen

 badago biarra

 zabaltzeko munduan

 gure Fede zarra!

 Bedeinkatu zaitzala

 Jainkuak betiko,

 lenengo larrean, ta

 zeruetan gero;

 eta gorde zaitzala

 urte askorako

 kristandade guzien

 zori onerako.