Nikaraguari omenaldia

Lasa Alegria, Amaia

 TROPIKOA

 Tropikoko euria

 amaierik gabeko ura

 beroa bezala

 kizkaltzeraino beroa

 itotzeraino euria

 Ez dago erdi biderik

 maitasunak ez du eragozpenik

 sufrimenduak ez du gupidarik

 infinitu kolore du

 tropikoko xorien lumak

 infinitu gorri

 bere eguzkiak

 eta

 ilargiak gezurra dirudi

 Loreen nektar gorrian

 hasetzen dira bihotzak

 amodioak estitasunez betetzen.

 Tropikoan

 bizitzak harria dario

 bihotzak du beroa

 ez dago atsed

 Euria ari du tropikoan

 urak ez du amaierik

 xoriak kantari

 koloreak dizdiraz

 eten gabe ari du

 euri beroa

 grinaz betea.

 ***

 Gosez hil zara

 bakar bakarrik

 hospital handi bateko

 gela hestu batean

 Itsasoak

 zeharkatu ditugunean

 Hodeiak

 gureganatu ditugunean

 ilargia

 menderatu dugunean

 Bakar bakarrik

 hil zara

 gosez

 Julio Verne-ren

 ametsak

 egi bihurtu diren

 mundu hontan

 Gosez hil zara

 bakar bakarrik

 bederatzi urtekin