Poemak
Iriarte, Jon
-Bide ertzean datzan
kirikino burugogorraren gorputz odoldua
ikusiz
atzeratzen da kelebetoa.
Dirua ote daraman jakiteko
eskuak poltsikora sartu
eta
(instintiboki edo)
oinezean jarraitzen du.
***
-Orbela eta putzuak hainkapean,
tristezia eta bakardadea
bakarrik udazkenean.
Udazkenean bakarrik
bakardadea eta tristezia,
hainkapean putzuak eta orbela.
***
-Etxaurreko putzuko uretan
nabari haunat garbiki.
Harri bat
heldu zunan
sakonera,
abaildu ere
irudi ederra.
Ikaraka zebilen urak
mamutzar bat egin nahiean,
ikarak ugarituz
putzuaren iluntasunak busti nindunan.
Begiak jasoz ha zunan galera.
Nun hago maitia?
***
-Zu gaitz
bihurtuko bazina
zuhaitz,
suz agur mina.