Bizitza amets

Baez, Josu

 Kanta egingo nuke

 abesti ederrik,

 besoak luzatuaz

 fruitua leherrik,

 ugaritasunean

 beeka akerrik?

 oinetako premiaz

 ba ote eperrik?

 Oihu egingo nuke

 sasoiaz abots,

 brinkoak eta dantza

 soinua ez arrotz,

 zorabioz itsutu

 poz atsegiña hots,

 goruntza harroturik

 ezina eragotz.

 Korri egingo nuke

 estrapuzu gabe,

 lagun maitagarri

 mozorro jan-zale,

 ikusi-ezin astun?

 inor ez mirabe,

 amildegia zelai

 zulo..., libertade.

 Jorra egingo nuke

 landarea anitz,

 galduko lirateke

 sasi eta alimtz,

 urez aberastuko

 gari eta albitz,

 elikadura gozo

 ez belar txar ez sits.

 Kanta egingo nuke

 ez balitz dena beltz,

 oihu egingo nuke

 amildegiak ertz,

 korri egingo nuke

 baina zait berantets,

 jorra egingo nuke

 bizitza! zer amets...