inprimatu
Ertzak, itzak ideiak
Izenburua:
Ertzak, itzak ideiak
Sinadura:
Luis Mari Mujika
Urkizaren iruzkina:
Egilea(k):
Mujika, Luis Mari

Argitalpena:
Egan.
Urtea:
1982
Argitalpenaren urtea:
Alea:
1/6
Orrialdea:
85

 

 

 

 

faksimilea ikusteko


faksimilea ikusteko


Haritzezko hilkutxa

 

Mujika, Luis Mari

 

 Udazkenaren ondasun

 horia adarretan beheruntz,

 barren-arratsa

 -asper-narratsa-

 zeru gordinetik haruntz

 (bihotz, oraindik egik bultz!)

 sentimen zaharra

 penaz baidatza...

 

 Zainak, enborrak ta gerri

 haritzak herio-opari,

 goi-adarretan

 hil-oholak zehatz,

 nere hilkutxa haritz hontatik

 ene gorputzaren neurriz

 sor ditekean

 nabil galdean...

 

 Bai, gau batean nahigabez

 lurra emango didate...,

 ta adar bereak

 (berdez hezeak)

 ene gorputzaren jabe

 bilakatuko beharrez

 baratz hotzean,

 gau fingabean...

 

 Soin honek nagi eta hotz

 bere besotan amoros

 duke atseden,

 begion eder

 haritz onak (maite arrotz)

 bilduko du asmo gozoz

 zentzunon neke

 eginaz bere...

 

 Begi bion eder-loa,

 ene koplen goi-bertsoa

 bere oholetan

 -ilun-beltzetan-

 geldituko da osoa,

 horregatik, bada, noa

 bidean beherantz

 hartzen bere antz...

 

 "Laster datorke aizkora

 txikitzera zure enborra,

 adarren pena

 -altu-gorena-

 ene bertsoen axolaz

 berkutsatzera gerora

 pozezko kezka

 ta itxaropenaz..."

 


inprimatu