Harkaitzak handiago
Mujika, Luis Mari
Harkaitzak handiago,
aparrak beraldikoago,
ur berdeen eragina
barnera bizkor,
zeruen beruna
itsasoan zigor,
mila artasoro
gauzen soroan mozkor...
Lerroen ihesiak, soroen joanak
oihua sakonago,
mahats ernegatuen mozioak
bultzada gorago,
hondartzaren egarrian
txirla zuriago...
Haitz borobilak zartatzen zeuden
nola suharria desertuan,
ekitearen -izatearen- tormentuak
niregan mailuaren setamen...
|