Jaio naiz zure hegaletan
Mujika, Luis Mari
Jaio naiz zure hegaletan,
jaio ni ur urdin-beltzetan
nola harri gordina
putzu alferretan...
Harritzen naiz zure zurean
-zure beraldikotasunean-,
arratsak zigortu nau
suaren erauntsiz,
bakardadeak bete
guztiaren geografiz,
hasi nahi dut oso izaten,
hasi izana areagotzen,
bide fingabeetan abiatzen,
gauzak kontzientziaz -ezagumenez-
indartzen,
egiztatzen,
izanagotzen...
Hasi nahi dut oro izaten...
|