Astepeko sekretarioaren bersoak
Aresti, Gabriel
1
Berriak
43.
Eldu berria naguan erri
Orrek ez dirudi dama
Beti prezio karu batian
Gordetzen duana fama
Ori da nere ama
Ta berekin darama
Odolian luzemia
Ala ta guzti deklaratzen naiz
Euskalerriko semia.
49.
Zerua dago goibelik eta
Laņua dabil ibaian
Alako egun asko ikusten
dirade sarri Bizkaian.
Nekazariak laian
Duaz azken amaian
Pobreza andi batera
Jainkuak eman bezaie laster
mejoratzeko aukera.
2.
Zaharrak
64.
Hemen nago garzela barnean,
honera naute sartu,
zerri eta zorri hoien kontra
ninzelako ausartu.
65.
Hemen pagatzen dut
nire errurik eza.
Ni naiz
Traketsa.
66.
Merezi dut
zihorra.
Ni naiz
idorra.
67.
Hemen
maiz
hiltzen
naiz.
68.
Haien
zai
diot
bai.
69.
Ez dut
indarrik,
gizontasunaren hondarrik.
