Kopla gisa ero batzuk
Aresti, Gabriel
3.
Gatazka hamorratua,
burrukaldi hertsia.
Buztina hilaren kontra,
genbiltzan izakiak.
Ilunpeko erreinutik,
agertu zen bizia.
13.
Babilonian katibu,
baitgeunden euskaldunak.
Idiak uztarri-pean,
ziren gure pareak.
Hantxen genbiltzan gu nola,
astoak zama-pean.
22.
Zimiorik zaluienak,
utzi ditu zuhaitzak.
Hibaiondoko haretan,
markaturik behatzak.
Arrokartean gizonak,
ematen ditu urratsak.
30.
Eremuko harroketan,
armiarmak kantari.
Hare-arteko ziloan,
ez dago denborarik.
Mendietako errekan,
urak daude gaur gazi.
|