Melitxuri dedikatua
Aresti, Gabriel
zuri
espainiako andrea
zimaurretan aurkitutako lili apala
melitxu
zuri
eskeintzen dizkizut
nire hiru grinak
poesia honetan
eta nire personan
dauden
hiru grinak
melitxu
ez bakarrik
nire bizitza
(izerdia) (hasarrea) (iraindua izatea)
nire egunak eta gauak
zuri
melitxu
espainiako andrea
nire aitaren etxearen habea
eskeintzen dizut
nire poesia
eta
nire persona
Hirugarren sonetoa
Aresti, Gabriel
Ernerik genituen belarriak
Hala ere ez dugu ezer ulertan
Erderaz minzatzen baitzitzaizkigun
Nahas-putzu zituen eztarriak
Noizik behin zerbait genuen behatzen
Baina ez inoiz hori bere betan
Apur hortaz oroitzen gara egun
Gure barnetik baitzaigu hedatzen
Enzute hartan ezkerki bekatu
Egiten genuen ez dakigu zertan
Hola paradisutik gabilza hurrun
Ez dugu gure zedea alkanzatu
Ez dugu erderarik enzun gura
Hogen tikiak haundienak dira.