Lau heriotzarentzat kantak
Sesto Lopez, Xose
Bizitzaren berunez
heriotzaren berunez
zekien
eta itxaropen sendoa
galdu gabe
beti irriparrez
anai baino gehiago zen
nere lagun
Darío Alvarez Blázquez
oroituz.
Alexandre Boveda
Sesto Lopez, Xose
Pontevedra beretan neskatxa maitemindua
Begiak ispilu
azken agurraren auhenez
aberri hiletaz ari
Caeira-ko Alba gain hartan
Alexander zutik dago
pinu pondaliar baten gurutz aurrean
laukia ezta
museo batean eskegitzeko
hitzaldi ofizialez eta galego himnoz
edozein momentutan
hazaro soila besterik ezta
gero izango da
ikaragarrizko dunbots alaia
milakak eta milakak eta milakak
igitai biziena
garaitze emankorren
ebate kanturako
Lluis Companys
Sesto Lopez, Xose
Oinutsik lurraren gainean
edo lurraren barruan zuhaitz bat bezala
zuhaitz bat bere sustraiekin
goian zerua
eta xoriak eta habiak eta frutuak
zuhaitza beti zuhaitz
amaren lurra bizitza denez
eta heriotz denez baita hori ere berpizten da
heurena da hilketa
zuretzat bizibidea
zuhaitz izatea besterik ez eta zutoia
edo gapirioa eta atea edo leihoa
hori da zur landua
etxegintzarako
Kataluña.
Gernika
Sesto Lopez, Xose
Sabai eta kanpandegia
aintzinako katedrala aintzinako herri batentzat
leze emasabel
gorengoa argituz
besoa tente
bihotza airera eta xoriengana zabalik
harrizko zuhaitza eta hostoa
denboren abotsa
lur hontatik zeru garbira
miru eraileak
beren su hiltzailea utzi zuten zure magaletan
baina orainik zure sustraiak
Euskadiko mila zuhaitzetan loratzen dira
Gernika.
Federico Garcia Lorca
Sesto Lopez, Xose
Ardo gorritan murgildu bezala
ardo epel batean
erditzez jaioberritu edo hil ninduten
ez dakit
zerbait estrainatzen da nigan
egunsentian edo arratsean aurkitzen naiz
zerbait epelek inguratua
nere amaren ditiburuko esnez
zerbait epelek itotzen nau
edo nere odol ixuria besterik ez da
zerbait epel
zerbait epel
Federiko izenez bataiatzen naute
edo Abel izenez lurperatzen
ez dakit
sehaska kanta batek urrumatzen nau
begiak hertsitzen zaizkit
loguraz naiz.
