Müde bin ich, geh' zur Ruh' (Unatua naiz, lotara noa)
Unatua naiz, lotara noa,
ertxiko ditut begitxo biak:
zeruko Aita, zure begiak
begira beza gaur nere loa.
Ez gogoan ar, ene Jainkoa,
nik egun untan egin gaizkiak:
garbi ditzala diren guziak
zure odolak, Jesus gozoa.
Nere guraso, lagun ta askazi,
jendeak oro, bai txiki ta azi,
zure egalpean zuk, Jauna, jagon.
Biotz eriei eiezu pausu,
begi ezeak xuka itzazu:
kristau guzioi iguzu gau on!