Tira, ba, maite

Zabaleta, P.

 Tira, ba, maite,

 kontsola zaite.

 Supermerkatuan

 erosi nituen buruko ileak

 gabardina bezala

 kantzontziloak bezala.

 Ortzak norbaitek eman zizkidan,

 aginak eta betortzak

 kariatuak nituen

 ordezkoak ipini zizkidaten.

 Tira, ba, maite,

 kontsola zaite.

 Sudurra dut nirea

 legea denez luzea

 ta errea.

 Sifilis pasatu nuen

 antzu geratu nintzen

 ta merikuak kastratu nindun.

 Ardoa adoratzen dut,

 pattarra dut Jainkoa.

 Tira, ba, maite,

 kontsola zaite.

 Ankak moztu zizkidaten

 biak batera.

 Eskuetan zazpi behatz postizo

 eramun behatza dut osoa

 begi bat kristalezkoa

 ta gorra naiz aspaldidanikan.

 Baina gauza bat oso nirea

 bularrean taupakada bihotza.

 Tira, ba, maite,

 kontsola zaite.