Mistika

Zabaleta, Pedro Martin

 Poesia bat egin nahi nuen

 mistikoa,

 Santa Teresak bezalakoa

 bihotza kixkaltzen ari denean

 egiten denetakoa.

 Zeruan ibili nahi nuen

 eta ikusi

 Aita Jaungoikoa

 eta Semea

 eta Espiritu Santu betikoa.

 Ama Birjina.

 beste birjinak

 aingeruak eta santuak.

 Ta lurretik begira

 ikusi ditut

 lainoak edo agian izarrak

 edo eguzkia,

 batzutan eguzkia.

 Ta gorago ezerrez.

 Orain gizonaren sateliteak.

 halabeharrez,

 ez tabakoak

 ez pattarrak

 ez dute bihotza kixkaltzen.