Bi neskazarrek alkarri jarriak

Arantza

 —Aizan Gabriela,

 zenbat urte ditun?

 Nereak ogeita amalau

 pasatuak ditun;

 baldiñ orañgo txandan

 ezkontzen ezpagaitun,

 geren bizi guztiko

 neska zartu gaitun.

 —Nereak ogeita amabi

 ditun onezkero,

 baña neska zartzerik

 eztiñat espero;

 mutillak ezkontzeko,

 aiñ zebiltzan bero,

 beintzat nik badizkiñat

 zazpi zapatero.

 —Nik ere badizkiñat

 lau txikiatzalle,

 zazpi barkillero ta

 bi pipar saltzalle,

 eta gañera iru

 kale garbitzalle,

 bi kabo primero ta

 lau arpa jotzalle.

 —Nere bizimoduaz

 nion ernegatzen;

 mutil gustokorikan

 ez diñat billatzen;

 gorputza asi zaidan

 pixka bat zimurtzen:

 neska zarra naizena

 zidaten igartzen.

 —Soñekorik onena

 egiñ diñat jantzi,

 gañera eskutikan

 sonbrilla ta guzti;

 oiñgo mutil gaztiak

 aiñbeste malezi,

 ni ikusi orduko

 badoiaz igesi.

 —Oso itxusia den

 neska zar izena,

 aditu utsarekiñ

 artzen diñat pena;

 oraiñ edukirikan

 sasoirik onena

 au lastimagarri

 gu biok gaudena.