Dana jokatu nairik
Otsalar
Irekin kideko nauk izanan auzian,
irekin biziaren jardun mingotsian,
t'aingeru mundutarren ega-nai miņian,
ala, munduko oņaze itxuen zaurian.
Min batek lotzen gaituk alkarren bidian,
geralako indarrez Bera bearrian.
Ondamendira gaituk zalantza batian
etorkizuna dala lezaren beltzian.
Gora arituz kantuaz mundu ixillian,
urratzea opariz mutu dan ortzian.
Naiz uko itxaropena erantzun larrian.
Dana jokatu nairik, gogozko argian,
edo itoko gaitun suzko osiņian,
edo obea eztan ezer-ez utsian.