Zoaze, malkook!

Aurraitz

 Negar, negar eta negar...

 Au biotza ustu bearra!

 Bai dala adirazten gaitza,

 Neure gogoaren lorra.

 Albista baltzaren sorbatz

 zorrotzak erruki barik

 ebagi daust malkoen esia:

 Zotinez ioat bizitza ausia.

 Bitarte itzela geratu

 da gu bioen erdian:

 Erioak egin dan berea,

 ta negarrentzat itxi tokia.

 Betiko? Olakoxerik ez!

 Bestaldeko ixilak anots,

 otoitz-egadaz, lainoa urratuz,

 itxaro-barriztetan aiduruz.

 Geure arrebatxu kutun!

 Goiz baltz atako agurra

 azkena zala iakin ba-gendu,

 ezkintekezan errez banandu.

 Zoaze, bai, malko itunok,

 gaiari igesi, oparo.

 Eroan neure mingostasun latz,

 pozkida amaigeen zelaietaratz.

 Negar, negar eta negar...

 Au malkoen igeste itzel!

 Bai dala adirazten gaitza,

 neure gogoaren goibel!