Izuikarea
Aurraitz
Azur-azurretan
ozta, ikutu neutsan
Balbe'ren itzalari...
Otzikara, ituna,
goibela... A bildurra!
So neban ingurura...
Ixil zetzan oro;
neure oin-otsak soil
arrasbera minduan.
Orbelezko malkoz
yoian udazkena
ames ausien gezna.
Illerri-inguruan
itzelak baitziran
egoiaren orroiak.
Azurren artean
gogaiak artega...
Balbe ebillan geraga.
Ostera be ikutu
neutsan, eta... Alako
izuikararik... Ene!
Orri illen illeta
-eresia entzun
neban oinpean, itsu.
Orduan oiņaztu
gorri batek goitik
-beera ebagi eban
ortzia; eun itzal
torka batera sar
ziran eriosuar.
Begiratu neban
lerdi illunetara,
ta Izadia itun-itun.
Baiņa, Erio, ez
az ala bizitza
onen aldaketa utsa...?
|