Ez diteke nor-nai izan pagano

Clercq, René de

 Ez diteke nor-nai izan pagano:

 Ortarako bear da bioztun

 Izan, eta maite eguzki ta ardoa,

 Nabaritu zaiñetan naitasun.

 Ez ditzake nork-nai lur-magalean

 Arki bere irrikiak oro;

 Beldur gabe ibilliz deiño bizi,

 Asperarik gabe iltzeraiño.

 Izan da, bai, lurtar esker-gabentzat

 Lur maite au ama bat bezela.

 Paganoa bizi da biziz emen

 Edertasun betean dagola.

 Goizetik goiz dijoa egatxabala

 Kantaz egan, ta bere zerua

 Naiko eder ta naiko du jasoa:

 Beste zeru denak gezur dira,

 Beste zeru denak dira lillura;

 Izartegi goi au bakarrikan,

 Baitakarzki izar aspaldikoak,

 Loratzen da, ederrik, ni-baitan.