|
Jaunaren gauzen aurrean
Gandiaga, Biktoriano
Jaunaren gauzen aurrean,
lur gorrian belauniko,
su artutako anpor zar bat lez
igar baiņa bero nago.
Gorputz au nekez aulduta,
gorputz au anpor zar bat lez;
baiņa Jorrailgo garrak artu nau
arima txingar egiņez.
Eguzkia ta goi urdin,
tulipan eta klabelin.
Zeru ta lurrak kantu ta irakin,
bizitza eze ta gordin.
Jainko, betiko betia,
Jainko zar eta barria;
zeuk bizten dozu zeru lur eta
anpor igarren mamia.
Zturi agur ta zantzoa,
zeuri txalo ta bertsoa,
Jorraillagaitik, bizitzagaitik,
begiokaitik, Jainkoa.
|
